У эфіры Malanka Media абмеркавалі праект рэзалюцыі Каардынацыйнай Рады аб прызнаньні часовай расейскай акупацыі Беларусі.
Беларусь не перастала быць дзяржавай. Але беларускі народ пазбаўлены магчымасьці свабодна вызначаць яе зьнешнюю, вайсковую і стратэгічную палітыку. Рэжым трымае ў закладніках беларусаў, а Крэмль трымае пры ўладзе рэжым.
Пра акупацыю казалі і раней. Але рэзалюцыя без далейшай кампаніі, доказнай базы і міжнароднай працы становіцца толькі архіваваньнем сумленьня. Таму задача цяпер ня ў тым, каб яшчэ раз вымавіць гучнае слова, а ў тым, каб давесьці яго да палітычных наступстваў.
У эфіры таксама гаварылі пра:
▪️ чаму Лукашэнка страціў палітычную суб’ектнасьць;
▪️ чым новая ініцыятыва адрозьніваецца ад ранейшай «рэзалюцыі Лахвіча» пра гібрыдную акупацыю;
▪️ навошта Беларусі палітыка дэакупацыі;
▪️ чаму КР павінна быць інструмэнтам дзеяньня, а ня храмам самазахаваньня;
▪️ хто мусіць адказваць за пранікненьне агентуры КДБ у дэмакратычныя структуры;
▪️ чаму простага беларуса нельга атаясамліваць з рэжымам, які пазбавіў яго выбару.
Прызнаньне акупацыі не сьцірае Беларусь з мапы. Яно не дазваляе Маскве сьцерці Беларусь з права.
Дэакупацыя не азначае стварэньня новай краіны. Яна азначае вяртаньне Беларусі беларусам.
Глядзіце поўны эфір.
Telegram
